شاهه احمد نوراني
شاهه احمد نوراني
شاهه احمد نوراني: مولانا شاهه احمد نوراني، پهرين اپريل 1928ع تي شائخان ميرٺ (انڊيا) ۾ جنم ورتو. سندس نسب جو سلسلو حضرت صديق رضه'>ابوبڪر صديق رضه سان ملي ٿو. هن اٺن سالن جي عمر ۾ قرآن شريف حفظ ڪيو. عربيڪ ڪاليج ميرٺ مان گرئجوئيشن، الهه آباد يونيورسٽيءَ مان فاضل عربي ۽ مدرسه اسلاميه ميرٺ مان درس نظاميءَ جي تڪميل ۽ تحصيل ڪيائين. 1947ع ۾ والد سان گڏ ڪراچيءَ ۾ بوهري بازار صدر لڳ ڪڇي ميمڻ مسجد ۾ اچي رهيو. قادري سلسلي ۾ پنهنجي والد بزرگ وٽان دست بيعت ٿيو ۽ خلافت حاصل ڪيائين. روزگار جي حوالي سان پٿرن جو واپار ڪندو هو ۽ وڏو جوهر شناس هو. جمعيت علماءَ پاڪستان جو صدر ۽ ورلڊ اسلامڪ مشن جو چيئرمئن به رهيو. 1970ع وارين عام چونڊن ۾ هو ڪراچيءَ مان ايم اين اي به ٿيو هو. تحريڪ نظام مصطفيٰ جي سلسلي ۾ جيل ۾ به رهيو. سندس جيل ڊائري، ‘جيل جا ڏينهن ۽ راتيون’ ڇپيل آهي. سڄي دنيا ۾ عشق رسولؐ ۽ اسلام جو پيغام پهچائيندو رهيو. ڪرنل قذافي، صدام حسين، شاهه فيصل ۽ ٻين مسلم حڪمرانن سان سندس دوستانا ناتا هئا. قومي اسيمبلي جي ميمبر رهڻ کان سواءِ سينيٽ جو ميمبر به رهيو.
علامه شاهه احمد نوراني 11 ڊسمبر 2003ع تي اسلام آباد ۾ وفات ڪئي، کيس ڪراچيءَ ۾ عبدالله شاهه غازيءَ جي روضي لڳ پنهنجي والده جي ڀر ۾ دفن ڪيو ويو.
لفظ شاهه احمد نورانيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1928.04.01 عيسوي
مولانا شاهه احمد نوراني، پهرين اپريل 1928ع تي شائخان ميرٺ (انڊيا) ۾ جنم ورتو.
2003.12.11 عيسوي
علامه شاهه احمد نوراني 11 ڊسمبر 2003ع تي اسلام آباد ۾ وفات ڪئي، کيس ڪراچيءَ ۾ عبدالله شاهه غازيءَ جي روضي لڳ پنهنجي والده جي ڀر ۾ دفن ڪيو ويو.
شخصيتون - ڀاڱي جون ٻِيون داخلائون
چچ پٽ سيلائج برهمڻصديقي امير حسن
سعيده گوپانگ
سيد گوهر علي شاهه صوفي
بجار خان ٽالپر
تلوڪ تلسياڻي
سليم الزمان صديقي
سيد معشوق علي شاهه دهلوي
اڪبر بادشاهه
ڪمال راهمون ڊاڪٽر